"Etapa berri honetan, ardura eta konpromiso handiagoa hartuko dut pazienteen zaintza hobetzeko arloan, eta, helburua gauzatzeko, ahaleginduko naiz ekarpen positiboa egiten lantaldeari, eta hura motibatzen ere, erizaintzakoa bereziki.

Osasun mentalean igaro ditudan 24 urteek ezaguna egiten naute zentro honetan, eta, beraz, badakite nolakoa naizen, eta elkarrizketa dela nire jarduteko moduaren parte garrantzitsu bat.

Nire ustez, honako hauek dira pertsonak errekuperatzeko oinarriak: gure pazienteak, helburuak argi edukitzea, eskura ditugun bitartekoak erabili eta optimizatzea, eta profesionalak".

Marian Arrubarrena

Euskadiko Osasun Liburutegi Birtualaren webgunea eguneratu egin da osasun-informazio egiaztatuarekin eta kalitatezkoarekin.

Baliabideen artean daude, besteak beste, Topa aurkikuntza tresna eta Ezagutzaren Ataria, Osakidetzako (prozesuan) langileen, Sailaren eta ikerketa-institutuen ekoizpen zientifikoa biltzen duena.

BOMS argazki-lehiaketa hasi zen antolatzen 2023an, eta bat dator “Emakumea eta neska zientzian” egunarekin. Aurten, bere bigarren edizioan, hauek izan dira argazki irabazleak:

GAIA: “Emakumeen eta nesken nazioarteko eguna zientzian”

“Aprender jugando”: Rubén Touzon López de Armentia

GAIA: Librea

“Sarea Gara”: Iratxe Pérez eta Leire Erkoreka Anda
“Laguntza”: Begoña Seijas, Iratxe Pérez eta Leire Erkoreka

Zorionak irabazleoi, eta eskerrik asko parte-hartzaile guztioi.

Iraganean, psikiatrian, zoritxarrez, gehiago erabiltzen ziren euspenak eta pertsonak behartzeko beste modu batzuk ere, baina hori salatzeko joera zabaltzen ari da; gehiago hitz egiten dugu horrek dakartzan inplikazio etikoez, eta, aldi berean, saiatzen gara bilatzen pertsonen duintasuna, autonomia eta autoestimua babesten dituzten bestelako aukerak.

Hori guztia gaur egun sen oneko gauza dirudien arren, batez ere azken urteetan jarri da arreta gai horretan (10-20 urtetik hona), eta aldatzea ez da lan erraza izan. Datuak oso positiboak dira: azken urteotan euspen mekanikoen kopuruak behera egin du “Euspen mekanikoen ordezko aukerak” izeneko jardunbide egokien gida ezarri den errehabilitazio-unitateetan. (Erantsitako artxiboan ikus dezakezue).

BPSO ® programa hedatzeko lantaldea

Ebidentzia zientifikoak bermatzen du ariketa fisikoa egiteak ongizatea eragiten digula. Horregatik jarri ditugu eskuragarri Agirigunen jarduera fisikoko taldeak sortzeko prozedurak, jadanik abian dauden taldeetara bideratzeko gidak, eta horiei lotutako beste dokumentu batzuk ere.

Talde sortu berriaren eta deribazioen adibide gisa, Mª Begoña Díaz-ek "Uribeko lehoiak" taldea aurkeztuko digu.

Aurori Oña

Martxan da Korrikaren 23. Edizioa. Korrika Euskal Herri osoan zehar egiten den euskararen aldeko ekimen erraldoia da, AEK-k antolatutakoa. Euskararen aldeko kontzientzia suspertzea eta AEK-ko euskaltegien eguneroko lana indartzeko dirua biltzea ditu helburu.

11 egunez, gau eta egun gelditu gabe, 2.500 kilometro egingo ditu euskararen alde, martxoaren 14tik 24ra, eta ehunka mila korrikalariren partaidetzarekin.

BOMSek edizio honetan ere parte hartuko du, eta, aurrekoetan bezala, profesionalek metro batzuk babesteko aukera izango dute; eta erakundeak beste horrenbeste babestuko du.

Zure 10 metroak babestu nahi badituzu, jarri harremanetan BOMSeko Euskara Zerbitzuarekin.

Edizio honetan, jakinarazten dizuegu laster izango dugula tutoreen VI. topaketa, eta, bestalde, xehetasunak emango dizkizuegu egoiliarren akreditazioen kopurua handitzeko jaso dugun baimenari buruz.

Eva Garnica

“Intxaurrak buruminarentzat” atalean, jarraitzen diogu zabalkundea ematen bizi-estiloak osasun mentalean duen eraginari.

Izan ere, parte hartu dugu Nirakara egiten ari den ikastaro batean, eta Youtubeko bere kontuan ikusgai utzi du gaiari buruz izan dugun aurretiazko elkarrizketa.

Lmentalaren zenbaki honetan, azalduko dizuegu zer baldintzak bete behar dituen pasahitz seguru batek.

Ingurune digitala gero eta konplexuagoa denez, ematen dizkizuegun aholku labur hauek alde handia eragin dezakete segurtasunez lan egitearen edo zibereraso bati atea irekita uztearen artean, aintzat hartuta ondorio larriak ekar ditzakeela, bai maila pertsonalean, bai korporatiboan. Horregatik gomendatzen dizuegu infografiari begiratzea: 30 segundo besterik ez dituzu beharko.

E.G.

Raul (gidoia) eta Iñigo (marrazkiak) Franco Benito anaiek Raul beraren eta bere emazte Bearen istorioa kontatzen dute komiki honetan. Abiapuntua da emakumearen haurdunaldiaren berri gurasoei eta hiru urteko alabari ematera doazen unea.

Hasieran, bazirudien dena zela baikortasuna eta etorkizunari begirako plan sutsu eta ilusioz beterikoak, baina horiek lausotzen hasten dira ekografien segidak "arazoak" daudela iradokitzen duenean (ginekologoak erabilitako hitzetan).

Hortik aurrera, beldurrak hartuko du bikotea, eta hasiko dira pentsatzen "arazo" horiek larriak izan daitezkeela, eta litekeena dela haurdunaldia gaizki joatea. Denbora igaroko da, egutegiko orriak erortzen joango dira, eta azkenean, “arazoen” larritasuna ikusita, haurdunaldia amaitzeko erabakia hartu beharko dute gurasoek ".

J.M.

Maileguan hartu dizkiogu izenburua eta ideia Scott Alexanderren blog-eko (Astral Codex Ten) “post” bati, oso interesgarria iruditu zaigu eta. Zer nahiago dute deprimituta dauden pertsonek, musika tristea ala alaia entzun?

Zenbait azterlanek diotenez, deprimitutako pertsonek musika tristea entzun nahi dute (ez dugu ikusi abestirik gogokoenen zerrendarik dagoen), eta horren arrazoia izan daiteke, ez norberaren tristuran sakonduz goibeltasunarekin berarekin gozatzea, baizik eta abesti mota horri darion "energia baxuaren" efektu lasaigarriaz kutsatzea.

Era berean, deprimitutako pertsonek ez dute giro zalapartatsurik ez jai-girorik bilatzen; nahiago dituzte leku lasaiak eta pixka bat isolatuagoak. Egia da, halaber, beste azterlan batzuek kontrako emaitzak atera dituztela, eta ondorioztatu dute musika malenkoniatsua entzuteak are gehiago tristatzen zaituela deprimituta zaudenean, eta onena dela musika alaia jartzea. Post-ak indarra egiten du hipotesi horretan, eta homeostasiaren teoria ere jaso du.

Ez dago zertan deprimituta egon malenkonia eta tristura uneak izateko. Eta uste dugu nahiko arrunta dela, halakoetan, gure sentimenduetan sakontzea, nolabait geure buruaz errukitzeko; eta musika da, hain zuzen ere, detonatzaile emozional oso garrantzitsua; edo bestela esanda: horretarako tresna ezin aproposagoa; baina edozein musika motak ez digu balio izaten, gutako bakoitzak badituelako emozioak sorrarazten dizkigun kanta kutunak, eta batzuk garaiezinak dira tristura-emozioa eragiten; horra hor Eric Claptonen “Tears in Heaven”.

J.U.

Eskuragarri duzue intraneten BOSMen antolatu ditugun prestakuntza-jardueren programazioa urtearen lehen seihilekorako. Kontsulta dezakezue beheko estekan sakatuz

Eva Garnica, Aurori Oña, Begoña Díaz, Juan Medrano, Marian Arrubarrena, Alesandra Campo eta María Maidagan.