Lmentala 24. zk. / nº 24 - 2014ko urria/ octubre 2014
Erderaz irakurri
Aurrerantzean Lmentala erderaz jaso nahi baduzu, hemen sakatu
LOTURAK
SAREA GARA

BOMSeko Prestakuntza Unitateak lankidetzarako esparru bat sortu du Osagunen, BOMSeko profesional guztientzat

BOMSek antolatzen dituen ikastaro guztietarako izena eman ahal duzu PRESTAKUNTZA plataforman; baina, horretaz gain, Osagunen lankidetzarako beste esparru bat sortu dugu: “BOMSeko Prestakuntza Taldea”.

Zer kontsulta daiteke? Prestakuntzako azken berriak (BOMSeko eta Osakidetzako ikastaro berriak, jardunaldiak, interesa duten biltzarrak), BOMSeko Prestakuntza Plana, BOMSeko Prestakuntzaren Urteko Memoria, beste erakundeetako ikastaroetara joateko eskabide orrien ereduak, Prestakuntza-Araudia eta Prestakuntzako eskuliburuak.

Esparru berria sortu dugu BOMSeko profesionalek biltzarretan eta jardunaldietan aurkeztu berri dituzten lanak ezagutarazteko. Bide batez, zoriondu nahi ditugu Madrileko Psikiatriako Munduko Biltzarrean gogotsu parte hartu duten profesional guztiak.

Animo eta bisita egin “BOMSeko Prestakuntza Talde”ra. Behean utzi ditugun esteken bitartez sar zaitez jardunaldietako, biltzarretako eta bestelako topagunetako dokumentazioan.

A.B. eta L.A.

Erlazionaturiko Loturak

  1. BOMSeko Prestakuntza Taldea
  2. Jardunaldien, biltzarren eta bestalakoen dokumentazioa:
Buletina posta partikularrean jaso nahi baduzu, idatzi helbide honetara: lmentala@osakidetza.eus

SAREA GARA

“Eskuekin bakarrik” eta Osasun Mentalaren Munduko Eguna

2014an zehar Bizkaiko Medikuen Elkargoak Bihotz-Biriketako Bizkortze kanpaina ari da garatzen (BBB); eta “eskuekin bakarrik” lelopean, prestakuntza eman nahi die Bizkaiko ikasleei eta irakasleei, hau bezalako larrialdi kasuetan esku hartu ahal izateko. Kanpaina hedatu zen futbol talde batzuetara ere, Athletic barne. Eta, tokiko bitxikeria moduan, esan behar da hark iradoki duela zuri-gorrien himnoa bera erabiltzea masajearen erritmoa eramateko.

Badakigu Buruko Nahaste Larriak jotako pazienteek arrisku bereziki handia dutela gaixotasun kardiobaskularrak garatzeko orduan; eta horregatik, BOMSetik Ondo Bizi bezalako programak garatu dira gure pazienteei ohitura osasuntsuagoak eramatea proposatzeko. Halatan, “Eskuekin bakarrik” programa aipaturiko helburuekin bat datorrelakoan, eskatu genion Bizkaiko Medikuen Elkargoari Barrualdeko Eskualdeko eguneko ospitaleetan ere aurrera eramatea modu esperimentalean; eta, izan ere, eskaerak baiezko erantzun beroa jaso du.

Osasun Mentalaren Munduko Eguna laster ospatuko denez, ez dugu aukera galduko ekimena komunikabideen bitartez zabaltzen saiatzeko, oso ohikoa ez den mezu batekin (buruko gaixoez ari garenean, behintzat): “Bizkaiko Medikuen Elkargoak eta Bizkaiko Osasun Mentaleko Sareak lagundu nahi dute pertsona hauen gainean dagoen iritzi publikoa hobetzen, zeren gaitasun osoa daukaten prestakuntza jasotzeko, bizitzak salbatzen lagunduko dien tresna honen inguruan”.

O.M.

Erlazionaturiko Artxiboak

  1. Medikuen Elkargoaren prentsa oharra, Osasun Mentalaren Munduko Egunaren kariaz

Erlazionaturiko Loturak

  1. Bizkaiko Medikuen Elkargoaren “eskuekin bakarrik” kanpaina

Bete-betean bizitzeko aholkuak

Duela egun batzuetatik eskuragarri daude herritarrentzat Osakidetzako web orrian “Bete-betean bizitzeko aholkuak” dokumentua. Aholku eta gomendio argi eta errazen dekalogoa da jarrera osasungarriak izateko gure osasuna hobetzeko, azken aldi honetan esaten den moduan, “bete-betan bizitzeko”. Dokumentu honek dakarren berrikuntza da bete-betean bizitzeko osasun mentala ere kontuan hartu behar dela; izan ere osasuna ongizate fisiko eta mentala da.

Osakidetzako web orrian duzue, honako atal honetan: herritarrak, bizitza osasungarria, jarrera osasungarriak . Dekalogo honetan osasun mentaleko osasun aholkua egokitzeko Osakidetzako osasun mentaleko sareetako eta O-sareaneko langileek hartu dute parte.

Laster bertsio bat izango dugu PDF-n inprimatu ahal izateko eta gure erabiltzaileei “errezetatzeko”.

A.R.

Erlazionaturiko Loturak

  1. Bete-betean bizitzeko aholkuak

Mezu seguru bat hilero. Urria: Hartu gripearen aurkako txertoa

I.M. & J.F.

Argazki bilduma

EX CATHEDRA

BOMSeko Prestakuntzako I. Jardunaldia “Elkarrekin ikasten”

BOMSeko Prestakuntzako I. Jardunaldia antolatu du BOMSeko Prestakuntza Batzordeak Prestakuntzako Unitatearekin batera. BOMSeko langile guztientzako ikasteko gune bat sortzea da Jardunaldiaren helburua , elkarrekin ikasteko (horixe da, hain zuzen, aukeratu dugun leloa).

Jardunaldia BOMSeko langileek egina da BOMSeko langileentzat. Denok dakigu maila bikaina dutela gure langileek eta horregatik txostengileen artean aukeratzea zaila izan da. Espero dugu ospatzeko aukeratutako ingurune ederrak (Deustuko Unibertsitatea) eta Jardunaldiaren edukiak berak elkarrekin ikasteko aukera eskaintzea, eta gure kezkak nahiz ezagutzak partekatu ahal izatea.

Zuen guztion zain gaude1

L.A.

Erlazionaturiko Loturak

  1. Elkarrekin Ikasten" Jardunaldirako izen emate orria

MOOCs: Ezagutza zure eskuetan dago

Gaur egun ikasteko nahi adina modu dago, eta ohiko ikastaro presentzialez gain, badaude beste batzuk ere. Azken hauek aurrekoen osagarriak dira eta gaitasunak hobetzen laguntzen dituzte. Adibide gisa (Informazioaren de komunikazioaren teknologiek –IKT- aurreratu dutenei esker), MOOCs-ak aurkezten dizkizuegu.

MOOCs akronimoak ingelesez Massive Online Open Courses esan nahi du (online bidezko ikastaroak dira eta, erruz eta zabal eskaintzen dira). Interneten bidez ematen den hezkuntzaren bilakaeratik dator ikastaroak erruz eskaini ahal izatea. Gero eta itzal handiagoko erakunde gehiagok (horien artean mundu osoko unibertsitateak) bide hau erabiltzen dute Internet bidez ezagutza partekatzeko. MOOCs-en oinarrizko ezagugarriak hauek dira:

. Ez dago plaza mugaturik
. Askotariko gaiak jorratzen dira
. Internet bidez egin ahal dira era zabalean, eta doakoak dira.

Interesa izango duzuelako ustetan, beherago hiru web helbide jarri dizuegu MOOCs-etan sartzeko.
Egin bisita plataforma hauetara eta ikasi era errazean eta doanik; munduko edozein lekutatik ikasi ere!.

L.A.

Erlazionaturiko Artxiboak

  1. Psikologiako eta Neurozientzietako MOOCs-en zerrenda eskuragarri dago Openculture plataforman

Erlazionaturiko Loturak

  1. Materiales de “Los MOOCs, cursos abiertos masivos online: un fenómeno poliédrico
  2. Plataforma iberoamericana MIRIADA
  3. Plataforma OPEN CULTURE
  4. Plataforma COURSERA

BOMSek praktikak egiteko ikasle bat hartu du, Deustuko Unibertsitateko Kudeaketa Sanitarioko Masterra egiten ari dena.

Deustuko Unibertsitateko Bussines Schoolek, Eusko Jaurlaritzako Osasun Sailarekin batera, titulazio berri bati eman dio hasiera 2014an: “Masterra kudeaketa Sanitarioan”. Master honekin beharrezkoa den belaunaldi berri bat sortuko da osasunaren arloko eta arlo soziosanitarioko zuzendaritzan eta kudeaketan.

Masterrak prestakuntza teorikoa ematen du eta erakunde sanitarioetan praktikak egitea ere sartzen du.

Susana Serranok egingo ditu praktikak BOMSen eta bere esperientzia kontatzen digu erantsitako dokumentuan.

M.L.

Erlazionaturiko Artxiboak

  1. Testu osoa
TXOKO-BOMS

Mahats-biltzea (Ekarrizketa Fernando Gonzalezi)

Duela hilatbete batzuk atal honetan ardoari buruzko elkarrizketa bat egin genuen eta kultura horren berri izan genuen. Oraingoan bidaia bat egingo dugu, hasiera-hasierara joango gara, ardo on baten jatorria zein den ikusteko, mahastiak dituen lurraldera ikusteko nola udazkenak urtero, pertsona batzuen lanari eta maitasunari esker, oparitzen digun bere fruitua.

Fernandok berak ondo dioen bezala ”bere alde ezkutua” erakutsiko digu non elementu batzuk, hala nola, familia, lagunak, lan gogorra, klima, paisajea.. armonian batzen diren, produktu bat ez ezik, bizitza ulertzeko modu bat ere eskaintzeko.

E.G.

Erlazionaturiko Artxiboak

  1. Mahats-biltzea (Ekarrizketa Fernando Gonzalezi)

Lola López de la Calle, finalista izan da “Pasioaren ertzak” lehiaketan

Lola López de la Calle, Zamudioko Ospitaleko lankidea, finalista izan da “Pasioaren ertzak (A vueltas con la pasión)“ lehiaketan, Amorebieta-Etxanoko liburutegiak “Pasioa” kontzeptuaren inguruan bultzatutako ekimenean; izan ere indarra eta edertasuna iradokitzen duen hitza da pasioa eta hamaika modutan uler daiteke.

Literatur lehiaketa honen helburua testu labur bat sortzea zen gaitzat pasioa zentzu zabalenean hartuz. Testuak gehienez 150 hitz izan behar zituen, gaztelaniaz edo euskaraz eta edozein generotan (prosa, poesia, bertsoa, haiku..)

Parte hartzaileen artean aukeratutako testuak “Argiarekin idatzi” izeneko argazki eta literatur tailerrean egindako lanak jende aurrean jarri ziren Zelaieta Zentroan irailean.Testu horien artean dago gure lankide eta ALEAko (Asociación literaria Espíritu de la alhóndiga) kidea den Lola López de la Callerena.

Erlazionaturiko Loturak

  1. Irabazi zuten testuak eta erakusketarako aukeratutakoak
PERISKOPIOA

Hemerotekako sagua - 2014ko iraila

Atal honetan albiste batzuk jasotzen ditugu. Euskadiko hedabideetan argitaratu dira eta osasun mentalaren arloari lotuta daude.

Iraileko artikuluak honako hauek dira (edizioa itxi arte):

M.L

Erlazionaturiko Artxiboak

  1. Hemerotekako sagua. 2014ko iraila

Bioeskola ikusgarriago egiten

Irailean aste biko kanpaina bat egin da; kanpaina horretan, komunikabideetako 7 langilek ortu ekologikoko produktuak dastatu eta sare sozialen bitartez argazkiak eta bideoak zabaldu dituzte. Bioeskola BBK proiektua ikusgarriago egitea da kanpaina honen helburua.

Dakizuenez, Bioeskolak prestakuntza eta lana ematen die baztertuak izateko arriskua duten gaixo mentalei
Kanpainan parte hartu dutenak:

• Alex Fernández Muerza, kazetari espezializatua zientzian eta ingurumenean
• Almudena Cacho, Euskadi Irratiko kazetaria
• Azul Tejerina, Bilbo Irratiko kazetaria
• Begoña Beguiristain, kazetaria, La Tarde en Euskadi-ko zuzendaria Ondavasca-n
• Igor Cubillo, kazetari espezializatua gastronomian, musikan,aisialdian eta kulturan.
• Iratxe Pañera, El Correoko kazetaria
• Lorena Fernández, Deustuko Unibertsitateko identitate digitalaren zuzendaria eta blogzalea.

Parte hartzaileek egindako argazki batzuk ikus ditzakezue behean.

Loturen bitartez komunikabide digitaletan partekatutako berrietan sar zaitezkete

ML

Erlazionaturiko Loturak

  1. eriodistas de Bizkaia probarán durante dos semanas productos de la huerta ecológica que emplea a enfermos mentales
  2. Periodistas y bloggers comparten sus recetas con los productos de Bioeskola BBK
  3. Personalidades de la comunicación se implican en el proyecto Bioeskola BBK

Argazki bilduma

LEHENENGO PERTSONAN

Osasun mentaleko beste sare batzuetan errotazioak egiteko esperientzia

Osasun zientzietan espezialistak prestatzeko egoiliarren lan-harreman berezia arautzen duen urriaren 6ko 1146/2006 ERREGE DEKRETUAREN 8.artikuluan jasotzen den bezala, prestakuntzako urteetan egoiliarrek kanpoan irakaskuntzako beste unitate batzuetan errotazioak egiteko aukera izaten dute. Egoiliarrak berak hautatzen du; esan behar da bere prestakuntza osatzeko ezaugarriak izan behar dituela aukera horrek, hots, bere irakaskuntzako unitatean ez dituen ezagutzak eta praktikak ekarri behar dizkio egoiliarrari. Horretarako tutoreak baimena eman behar du eta irakaskuntza batzordeko zerbitzuburuak onespena eman behar du.

Aukera horri heldu zioten Zamudioko Ospitaleko erizaintzako egoiliar bik; bi hilabeteko esperientzia zoragarriaren berri emango digute. Bartzelona eta Goiânia (Brasil) aukeratu zituzten.

I.A. y K.L.

Erlazionaturiko Artxiboak

  1. Osasun mentaleko beste sare batzuetan errotazioak egiteko esperientzia
BAZEN BEHIN

Zaldibarreko zoroetxeko zati baten inaugurazioa (1923-7-28)

Hilabete hauetan entretenitu gara bitxikeria batzuekin, Zaldibarreko Ospitalea sortu aurretik, bainuetxea izan zen garaikoak. 1923ko egun batean hark bezero agurgarriak aldatu zituen (horien artean batzuk neurotikoak ere bai), beste batzuen ordez, xarma gutxiagokoak eta ez horren diagnostiko erakargarriekin. Bermeoko Ospitalearen egoera ikusita, beharrezko ikusi zen Zaldibarrekoaren zati bat arineketan zabaltzea. Inaugurazioa horrela jaso zuen garaiko prentsak:

“Zaldibarreko zoroetxea instalazio eredugarria izango da. Aurrekontua 1.250.000 pezetakoa da. Hiru pabilioi handik osatuko dute: Barnetegia, Benefizentzia (honek bere barne ditu harrera lekua eta ospitalearen eremua), eta langileen eta mirabeen gelak hartzen dituena.
Hori guztia prozedura modernoekin eraikiko da, Hueto eta Basterra jaunek baieztatu ahal izan dutez honen antzerako eraikinetara egindako bisitaldietan Frantzian, Belgikan, Alemanian, Eskozian eta Ingalaterran.
Zaldibar emakumezko eroek erabiliko dute, eta horien itxialdirako ez dira burdin hesirik erabiliko, ezta gaixoen bihotza iluntzen duen sistemarik ere. Horiek ordezkatuko dituzte zaintza onak, maitasunak eta txerazko hitzek”.
EL NERVION. 10708. zenbakia – 1923ko uztailaren 30ekoa, 3. orrialdea

“Denek aretoak zeharkatu eta horien banaketa bikaina miretsi zuten. Gero luncha eskaini zitzaien, zeinetan ez zen brindis zalapartatsurik egon; bai, ordea, adeitasun eta txera handiak”.
Arratsaldeko zazpietan bukatutzat jo zen ekitaldia, eta hiru eta erdietan irtendako gonbidatuak Bilbora itzuli ziren auto-ilaran”.
EL LIBERAL 1923ko uztailaren 29koa

O.M.
ATSEDENALDIA

Zoroen eta zoro-zaintzaileen txisteak haurrei eta gazteei zuzendutako prentsan. (VIII) Almanaque de locos, 1962, 1. zatia

1946. eta 1963. urteen artean Editorial Valenciana-k, herrialdeko enpresa editorial garrantzitsuenetako batek, urtean behin komiki bat argitaratu zuen, pertsonaia finkorik gabe, “Almanaque de Locos” izen generikoarekin. Umorezko aldizkari txikiak istorio laburrak eta txisteak biltzen zituen; horien bitartez zoroaren eta eromenaren gai bakarrak jorratzen zituen, garaian horien gainean zegoen irudian oinarrituta. Orain argitalpenak aukera ematen digu gogoeta egiteko buruko gaixotasunaren inguruan, herriaren ikuspuntutik eta baloreetatik, bazter utzita balore estetikoa eta umoristikoa, nahiz eta azken horiek ere zuek gozatzea espero dugun.
O.M.

Erlazionaturiko Artxiboak

  1. Almanaque de locos. Editorial Valenciana, 1962. pp: 1-10

GUASApeatzen...

Psiquiatrico 2. Crazy Seventies

Lisa Mandel (Marsella, 1977) artista eta narratzaile grafikoak komikaren munduan egin du karrera; hasieran umeentzako umorezko gaiak jorratu zituen eta gero nagusientzat aritu zen; nagusiei zuzendautako bat da “Printsezak printzesa maite du” bere historiak jasotzen duena, emakume biren arteko bikote-harremanari buruzkoa.

J. Me

Erlazionaturiko Artxiboak

  1. Testu osoa

Ponte-izenen kultura- aberastasuna eta aniztasuna

Psikiatrian bataioko izenen kultura-aberastasuna eta aniztasuna landu da. Luke Birminghamnek Psikiatren Royal Collegek 2000ko uztailean Edimburgon egindako bileran aurkeztutako lana dugu horren adierazle.

J. Me

Erlazionaturiko Artxiboak

  1. Testu osoa

Ale honetan parte hartu dute:

Ana Rodriguez Iturrizar (A.R.), Isabel Macías Romero (I.M.), José Luis Fidalgo Centeno (J.F.), Laura Alonso Pérez (L.A.), Mónica López Ortiz (M.L.), Enrique G. Arza (E.G.), Lola López de la Calle (L.L.), Keith Lany de Oliveira Silva (K.L.), Irene Arranz Lombana (I.A.), Laura Narro Moreno (L.N,), Juan Medrano Albeniz (J. Me), Fernando González Serrano, Garbiñe Apraiz Urigüen, Ainhoa Bilbao Maiza (A.B.), José M. Díaz Zorrozua (J.D.), Leire Erkoreka Anda, Óscar Martínez Azumendi (O.M.).

Erlazionaturiko Loturak

  1. Nola lagundu eta Batzorde editoriala
LOTURAK

> 1 Intranet -BOMS- RSMB

> 2 Osagune (Lankidetza-ingurunea)

> 3 Jakinsarea - Prestakuntzaren ataria

> Aurreko zenbakiak

> Batzorde editoriala

> LMENTALA@osakidetza.net

> Nola lagundu