URTE (BISUSTU) BERRI ON!

Bizkaiko Osasun Mentaleko Sareak Zilarrezko A saria jaso zuen, kudeaketa aurreratuaren esparruan, Bilboko Euskalduna Jauregian, abenduaren 9an, lehendakaria buru zuen ekitaldi batean eta osasun sailburuaren eskutik.
Kudeaketa Aurreratuari Euskal saria aitortza eredu berri bat da, aurtendik Kalitatezko Q ordezten duena .

Euskalitek, sareari ebaluazio zorrotza egin eta gero, saria eman du Kudeaketa Aurreratuaren Ereduan oinarrituta. Eredua EFQMren moldaketa bat da, euskal esparrura egokituta.

Azaroaren amaieran 7 ebaluatzailek osaturiko talde batek elkarrizketatu zituen sareko 80 profesional baino gehiago hiru egunez, eta bisita egin zion 8 zentrori.

Kudeaketa Aurreratuaren Ereduari Osasun Sailak emandako laguntza ikusi ahal da argi Programa Kontratuan. Horregatik, Osakidetzako erakunde guztiak euren kudeaketa ari dira aztertzen esandako ereduaren bitartez.

Ekitaldi berean Bidasoako ESIk jaso zuen Zilarrezko A saria, eta Osakidetzako 12 erakundek Kudeaketa Aurreratuarekin Konpromisoaren Diploma.

Zorionak guztioi!

M.L.

Osakidetzak, bere plan estrategikoaren harira, konpromisoa hartu du hobetzeko planak aztertu eta ezartzeko . Asmoa hau da: arrisku psikosozialak murriztea norberaren lanpostuan. Horretarako beharrezkoa da egoeraren diagnositiko bat egitea erakunde osoan, Arrisku Psikosozialen Ebaluazio baten bitartez. Horrek ahalbidetuko du ekintza-programa bat sortzea, erantzuna eman ahal izateko atzemandako beharrei .

Nola har dezaket parte?

Urtarrilaren 21etik otsailaren 22ra galdera sorta bati erantzun ahal izango zaio, bidaliko diguten mezu elektronikoko esteka baten bitartez.
Enpresa berezitu batek kudeatuko du web esparru hau, erantzunak jaso, konfidentzialtasuna gorde, behar duenari lagundu, eta txostena egiteko. Txostenak balioko du hobetzeko ildoak ezartzeko .
Galderak minutu gutxi batzuetan erantzun ahal izango dira, eta haiei esker, zure lanpostuaren baldintzak hobeto ezagutuko dira.

¡¡ ANIMA ZAITEZ ETA PARTE HARTU!!

Prebentzioko Oinarrizko Unitatea
Bizkaiko Osasun Mentaleko Sarea

Badirudi Gabonetan elkartasun sentimenduak harrapatzen gaituela behartsuenen alde, eta halako garai hunkigarri bat ospatu behar dela familiarekin edo lagun maiteekin.

Duela 3 urtetik hona, gutxi gorabehera, Durangoko Eguneko Ospitalea, eta beranduago Basaurikoa, elkarlanean aritu dira Danonerekin eta Elikagaien Bankuarekin esnekiak biltzeko. Ospitaleetako erabiltzaileek, 2015ean zehar, batu dituzte Danoneren produktuetan agertzen diren kodeak; eta gero on line plataforma baten bidez, “alimenta sonrisas” izenekoa, kodeak (letrak) sartzen ibili dira puntuak eskuratzeko. Puntu horien truke produktuak lortu dituzte (enpresak produktu-unitate bat eman du 2 puntuko).

Aipatzekoa da, ekimen honetan, gizartearen parte hartzea lortu dela, erabiltzaile askoren lankidetzaren bidez. Erdietsi dute lehen ez zuten gizartearekiko konpromiso bat; eta gainera, saiatu da parte hartzaileen gaitasunak berrindartzen: atentzioa, kontzentrazioa, … gaixotasuna garatu ahala murriztu zaizkienak.

Egindako lana eta ahalegina eskertu nahi dizkiegu gure lankideei eta beste baliabideetako erabiltzailei. Izan ere, kodeak bildu dituzte euren senitartekoen eta adiskideen laguntzarekin, eta haiek gabe ezinezkoa izango zen hau guztia gauzatzea. Esan beharra dago gure helburua dela 2016an zehar produktu gehiago lortzea, horregatik animatu nahi zaituztegu gure ekimenarekin bat egiteko; kodeak bildu eta gero guri eman ahal dizkiguzue esandako eguneko ospitaleetan.

Mila esker eta urte berri on guztioi!

Eneko Gutiérrez

Abenduaren 2an eta 3an egin ziren Euskadiko Patologia Dualeko VI. Jardunaldiak Bizkaiko Medikuen Elkargoan. Programak hainbat ikuspuntutik jorratu zuen mendekotasun nahasmenduarekin batera, beste buruko nahasmendu bat duen pertsonaren egoera (patologia duala).

Jardunaldien harira elkartu ziren profesional asko, hainbat arlotakoak: osasuna, gizartea, administrazioa, kudeaketa. Aztertutako gaiak izan ziren: portaeraren nahasmendua eta haren legezko esparrua, esparru sozio-sanitarioa, psikofarmakologia eta osasun arloko estrategia patologia dualean. Jardunaldietan, ohikoa denez, ospitaleetako prestakuntzako barne egoiliarrek aurkeztu zituzten kasu kliniko batzuk; oraingo honetan depresioaren eta patologia dualaren gainean. Jardunaldien amaierako hitzaldiaren gaia izan zen: “futbola mendekotasun gisa“, kazetaritzaren ikuspuntutik.

Gregorio Montero

Medicina clínica (Bartz.) aldizkariaren duela oso gutxiko ale batean argitaratu zen zuzendariari igorritako gutun bat, Zaldibarko Ospitaleko gure lankide batzuek idatzitakoa: Sonia San Miguel de Uralde (Barne Medikuntzako Zerbitzua), Maria Prieto Peraita (Farmazia Zerbitzua), eta Javier Blanco Bengoechea (Psikiatria Zerbitzua).

Azido balproikoari lotutako biriketako eosinofiliaren kasu bat aipatzen da testuan; eta bereziki interesgarria da, zeren literatura medikoan oso gutxitan deskribatu baitira pleurako isuri eosinofiloak azido balproikoaren tratamenduari lotuta daudenean. Oharrean deskribatzen den emakumearen kasuan ateratzen den ondorioa zera da: oraindik ez da argitu zergatik azido balproikoak eragin dezakeen pleurako isuria. Tratamenduaren edozein unetan gerta daiteke, ez da zertan izan hasieran, ezta dosia aldatzearen ondorio; edozein dosirekin gerta daiteke, ez baita gertatzen dosi altuekin.

O.M.

Joan den azaroan egin ziren Donostian AEN-ren Psikiatriaren Historiari buruzko X. Jardunaldiak; eta BOMSetik egindako beste ekarpen batzuekin batera, merezi du nabarmentzea psikiatria arloko bi erizain gaztek (Keith Lany de Oliveira eta Beatriz Merayo) aurkeztutako posterra. Bi erizainek bukatu zuten, hain zuzen ere, egoiliar garaia, BEE gisa, BOMSeko Diziplina Anitzeko Unitatean, gure lankiderik gazteena Concha Boladoren zuzendaritzapean.

Posterraren izenburua hau da: ““Análisis relacional entre la teoría de las relaciones interpersonales de enfermería y la práctica clínica actual”, eta kontsultagai dago erantsitako artxiboan.

O.M.

Hil honen elkarrizketaren izenburu egokia ere izan zatekeen: “Zertaz ari naiz korrika egiteaz ari naizenean”, Haruki Murakamiren liburuarena bezalakoa. Murakamik gogoeta egiten du liburuan korrika egiteari buruz. Hain dago lotuta bere bizitze prozesuari non bera nor den ezin baita ulertu kontuan hartu gabe jarduera fisikoak bere nortasuna ere moldatzen duela, “Izan ere, distantzia luzeko lasterketek hezi eta moldatu dute naizen pertsona hau (neurri handiago edo txikiago batean, onerako edo txarrerako)”.

Gure lankide Juan Antoniok, bere erantzunen bitartez, ematen digu haren zaletasunaren berri. Hura praktikatzen hasi zenetik, bere inguru pertsonalaren eta familiarraren zati izatera heldu da, eta baldintzatu ditu bere ohiturak eta ordutegiak, baita bere nortasuna eta bizitzaren ikusmoldea ere. “Badago irabazi beharreko lehiakide bat: atzoko zu zeu, hain zuzen ere”.

E.G.

Medikuen Elkargoak jaso du Albert Jovell I. saria atal honetan: “ Elkarte zientifikoek edo elkargo profesionalek pazienteei edo/eta haien senitartekoei emandako prestakuntzarik onena”. Izan ere, saritua izan da bihotz-biriketako bizkortze kanpainaren inguruan emandako prestakuntza kolektibo batzuei: ikasleak, irakasleak, futbolariak, eguneko ospitaleetako pazienteak (BOMSeko barrualdeko eskualdekoak),…

“Eskuekin bakarrik” ekimenaren berri eman dugu buletin honetan; 2014ko urrian, adibidez, aipatu genuen Barrualdeko Eskualdeak parte hartu zuela ekimenean, eta 2015eko urtarrilean berri izan ziren proiektuaren inguruko balorazio bat eta prestakuntza saioen argazkiak. Atal honetan ere beste albiste bat jaso genuen: Bizkaiko Medikuen Elkargoaren buletinean jasotzen zen berria.

Hemendik zoriondu nahi dugu Medikuen Elkargoa horren sari garrantzitsua jasotzeagatik; eta espero dugu harekin elkarlanean jarraitzea beste ekimen batzuetan ere, sarean artatzen ditugun pertsonen onerako.

M.L.

Berria egunkariak informazioa ematen zuen, joan den abenduaren 6ko Gizarte atalean, Tratamendu Asertibo Komunitarioaren programari buruz. Programa Bilboko Udalarekin lankidetzan ari da garatzen, eta etxe gabekoei dago zuzenduta. Horretan aritzen diren profesionalek kontzatzen dituzte, lehengo pertsonan, euren esperientziak. Haien bidez ikuspegi oso bat ematen dute artatzen ditzuten pertsonei buruz eta lan egiteko duten moduaren inguruan.

Adi atal honi, zeren liteena baita berriro etxerik gabeko TAKez hitz egitea.

M.L.

Sailkapen orokorra - 4. JARDUNALDIA

Taldea- Puntuak

1 A.D. GORANTZA 10
2 BARAKA 8
3 DURANGO 7
4 GASTEIZ 6
5 LEHENAK 6
6 MANUENE 6
7 BILBAO 5
8 ERAGINTZA 3
9 ARGIA 3
10 ZAMUDIO 0
11 ERMUA 0
12 S.J.D. MONDRAGON 0

Fitxa honetan emango ditugu ezagutzera, gainetik bada ere, Ugo Cerletti eta Lucio Bini. Gure bi protagonistak mundu zabalean ospetsuak izan ziren Psikiatriaren historiara egindako ekarpenagatik: elektroshocka asmatu zuten. Halatan, aztertuko ditugu teknika hark, urteetan zehar, izandako goren unea, gainbehera eta pizkundea .

L.P.

Duela oso gutxi arte tratamendu farmakologikoak gorde ohi ziren, gutxi gorabehera taxuturik, gure ohar klinikoen artean. Horregatik geratzen ziren nahiko bananduta pazienteari ematen zioten zerbitzuen artean, eta duela urte gutxi batzuk ez zen batere espero izatekoa, egokitzeko, aurrera eman dugun jauzia gaurko “Presbide“rekin. Preskripzio elektronikoko sistema horrek jaso eta atontzen ditu, batera, gure pazienteei emandako botika guztiak, zorroztasun obsesiboz eta, batzuetan zurruntasun gogaikarriz edo izozturik geratzeko arriskuz ere.

Lmentalan azken hilotan ari gara lanean, neke gabe, asmakizun zibernetikoen aurrekarien bila; eta joandako denborari begira gaudela erremintaren bat aurkitzeko -tratamendu guztiak leku bakar batean biltzeko gaitasuna duena-, oker gaitezke, eta topo egin, ez oso aspaldiko SUPRE harekin, zeinarekin hasten ginen preskripzio elektronikoa egiten.

Bermeon ere uste izan zuten hobe izango zela zentralizatzea, nola edo hala, arkatz-lapitzezko garai hartan emandako tratamenduen erregistroa, kontuan hartu gabe pazientearen pabilioia edo zerbitzua. Horretarako asmatu zuten erregistro sistema xume eta dotore bat. Asmakizunak bazuen, gainera, bilatzaile bat erantsita!
Artean ez ziren ematen lehenengo tratamendu neuroleptikoak; eta sistema erortzeko arrisku bakarra (arrazoi elektrikoak zirela-eta), izango zen “idatzi behar zuenaren muskulu-kalambreren bat”.

O.M.

Pertsona maitatu bat galtzea, bere buruaz beste egin duelako, suntsitzailea da; bereziki, heriotza susmatu gabe etorri bada. Badago laguntza-materiala galera gainditzen, edo behintzat, onartzen saiatzeko, esate baterako, gida hau: “El día después del suicidio de un familiar o allegado”, Osasun Ministerioak eta Galiziako Osasun-Teknologiak Ebaluatzeko Agentziak argitaratuta (avalia-t) 2010ean. Gidan aitortzen da suizidioaren eragin kaltegarria hildakoaren inguruko pertsonengan. Badaude, halaber, galeratik bizirik irten direnen lekukotzak. Horietan deskribatzen da hildakoaren senitarteko hurkoengan izandako kaltea, betiere baretzeko zaila izaten dena.

Willy Linthout istoriogile belgikarra da, arrakasta handikoa bere herrialdean…

J.Me.

Gure irakurleen grina asebetetzeko asmoz -ondo tematu dira-eta Gabonetako ptxiguiliren bat sartzeko, aldizkari serioek garai honetan egiten duten erara-, eta kontuan hartuta, farmazia-laborategiak metxandaisingarekin gero eta kutreago daudela, L-MENTALAk, adeitasun osoz, oparitu nahi dizue mahaian jartzeko egutegi bat. Roque Mari CONSON diseinatzaile grafiko kubatarraren talentu zaporetsuaren emaitza da, eta Aquilino AIKEMBIBA modaren guru ginearraren aholkularitza estilistikoa izan du.

Prest eduki ahal duzue oso gauza gutxirekin: kartoi bat, lekeda, iltzetxo bat eta andereñoren laguntza (ez da gero brikolajearen erregea izan behar, zeren elkar ezagutzen baitugu …).

Hasiera batean pentsatu genuen aurreko urteotako tradizioari jarraitzea; alegia, suhiltzaileek, etxeko andreek eta jabetza-erregistratzaileek ezarritakoari, eta larru gorritan ateratzea BOMSeko erdi mailako arduradunak (haiek beti laguntzeko prest oso gogotsu).

Zoritxarrez, lortutako emaitza lizunak ezin izan zuen gainditu osaba Oscarren zentzura zorrotza. Egia da, bai, Sabin Etxea doktoreak goia jo zuela Photoshoparekin eta tangaren betegarriarekin, baina aizu mutil, horrela jartzeko modukoa ere ez zen izan.... Tira, eskertuko digute ene koinatu Manoloren tailerrean.

Azkenik, aukeratu dugu B plana, patibuluan akabatzeko arrisku horren handia ez duena, eta egokiagoa, alajaina, familiako jai hunkigarri hauetan: zeluloideko gangsterren egutegi bat. Ezin duzue inondiki inora ere baztertu, azken finean ez du zer ikusirik bihotzeko entitate finantzario batzuetako esku luze horiekin (diru gehiegi jasotzen zutenak black txartelekin, agertzeagatik…).

Agerian dago zoragarri geratu zaigula, pelikuletan bezala; baina hilabeteak baino pertsonaia gehiago dagoenez, baztertu soberakoak… Hori bai, mesedez, istripu baten itxura eman!

GABON ZORIONTSUAK, ETA FORZA L-MENTALA. KARAJO!!!

J.L.

Sukaldeko arteak utzi, ezin bestela izan gauden sasoian egonda, eta bagoaz gabon jaiak ospatzera, berariaz diseinatutako asmakizun batekin. Urtarrila asmo onez beteriko hila izan ohi denez, ez ahaztu gero asmo garrantzitsu bat: eragin diezaiogun alboko pentsamenduari! Bestelako emaitzak lortu nahi baditugu, pentsa dezagun bestera. 2016 ZORIONTSUA IZAN!

J.M.

Garbiñe Apraiz Urigüen, Ainhoa Bilbao Maiza (A.B.), José M. Díaz Zorrozua (J.D.), Leire Erkoreka Anda, Juan Antonio García González, Enrique González Arza (E.G.), Eneko Gutiérrez Gómez, Jon Lizarraga Sobrino (J.L.), Mónica López Ortiz (M.L.), Óscar Martínez Azumendi (O.M.), Josune Martínez Magunacelaya (J.M.), Juan Medrano Albéniz (J.Me.), Gregorio Montero González, Luis Pacheco Yáñez (L.P.), Unidad Básica de Prevención RSMB.