Joan den apirilaren 17an ospatu genuen gure lanbidearen munduko lehenengo urteurrena. Haren harira, Euskadiko Terapeuta Okupazionalen Elkargo Profesionalak (ETOLE) antolatu zuen topaketa aparta bat Bilboko Ercilla Hotelean.

Batzarrera gure lankide asko etorri ziren, eta baita Euskal Autonomia Erkidegoko osasun eta gizarte arloko erakunde publikoetako ordezkariak ere.

Eneko Gutiérrez Gómez (Terapeuta okupazionala Barrualdeko Eskualdean).

Urtero bezala -eta badira hamabi dagoeneko- Osasunaren Mundu Erakundeak (OME) kanpaina bat zabaldu du: “Bizitzak salbatu, eskuak garbitu”. Helburu du osasun-langileek eskuak garbitzeko ohiturak hobetzea. Programa orokorrago baten barruan dago kanpaina: “Arreta garbia arreta seguruagoa da ” deiturikoa. Haren bidez, zabaldu nahi da infekzioak kontrolatzea ezinbestekoa dela pazienteen segurtasunerako; eta zeregin horretan eskuak garbitzeak garrantzi berezia hartzen duela.

Antibiotikoen erresistentziaren aurka egitea da aurtengo OMEren kanpainaren jomuga. Hori baita mehatxurik handienetakoa mundu mailako osasunaren, jakien segurtasunaren eta garapenaren arloetan.
OMEren arabera, gero eta handiagoa da infekzio-kopurua (neumonia, tuberkulosia, eta gonorrea, adibidez); eta tratamendua gero eta zailagoa da, zeren antibiotikoak eraginkortasuna galtzen ari baitira.

Bakteriak ari dira erresistente egiten antibiotikoei, ez gizakiak edo animaliak. Fenomeno naturala da hori, baina botikak gaizki erabiltzearen ondorioz bizkortzen ari da prozesua.

Beharrezkoa da berehala aldatzea antibiotikoak preskribatzeko eta erabiltzeko modua. Behar diren neurriak hartzen ez badira, antibiotikoen osteko garai bat etorriko da mundura, eta infekzio arruntak eta lesio arinak berriro izan daitezke hilgarriak.

A.V

Azterlanaren arabera, emakume drogazaleek gehiago jasaten dute bortxakeria.

Tesia 2017ko urtarrilean aurkeztu zuen izenburu honekin: “Violencia en población drogodependiente. Un estudio exploratorio, descriptivo, relacional y explicativo de los factores implicados”.
Aurora Urbanok agerian utzi du, alde batetik, uztarturik daudela bortxakeria eta drogaren menpekotasuna; eta bestetik, emakumeek gehiago nozitzen dutela indarkeria, bai drogak kontsumitu baino lehen, bai kontsumitu ondoren.

Emakumeek bortizkeria areago nozitzeak nabarmentzen du menpeko maila batean daudela kokaturik hainbat testuinguru sozial eta kulturaletan.

Aurora Urbano psikologoa da, eta lan egiten du Red Educativa Zerbitzuak enpresan, kontrataturik dagoena Manuene Eguneko Ospitalean (Larrabetzu, Bizkaia) adikzioak dituzten pazienteak errehabilitatzeko.

J.D.

Gure kulturak bietara jokatzen du gorozkiekin. Alde batetik, nazka ematen dute; baina, aldi berean, barre egiteko ere balio dute. Psikoanalisian gorozkien atzean hainbat bereizgarri eta sintoma daude.

Artikulu honetan komentatzen ditugu gorozkiek osasunean duten eragina, dituzten arriskuak, nola ekidin daitekeen eginkariek edateko ura kutsatzea, komunek duten garrantzia (zein larria den komunak garestiak izatea garapen-bidean dauden herrialdeetan), eta baita gorozkiek eduki dezaketen erabilera terapeutikoa.

J.Me.

Omenaldia begi klinikoari eta bizitzeko grinari.

I've lived a life that`s full.
I've traveled each and every highway;
And more,much more than this,
I did it my way.

Ale honetan hurbilduko gara osasunaren esparruan dagoen komunikatzeko modu berri batera: komikia. Komikia marrazki saila bat da, testuak lagunduta, ala testurik gabekoa. Haien bidez egileak ideia bat adierazten du; eta irakurleak, marrazkiak interpretatuz, esanahi bat emango dio.

Gure lankide Mónica López Ortizen eskutik ekimen berri bat ezagutuko dugu, komikia bereziki maite duten osasun-profesionalek sortutakoa: Medikuntza grafikoa. Helburu dute gurekin partekatzea erreminta horrek dituen aukera paregabeak, informazioa eta ezagutza trukatzeko profesionalen eta paziente/erabiltzaileen artean.

E.G.

Beti aurkitzen da zerbait interesgarria sare sozialetan nabigatzen.

Instagram sarea, adibidez, asko zabaldu da, eta bertan argazkiak partekatu ahal dira. Sare guztiekin gertatzen den bezala, eduki batzuk eskasak dira, eta beste batzuk ez dira oso gustu onekoak. Halarik ere, argazkilari eta irudigile batzuek lan ederrak erakusten dituzte.

Horien adibide da Sonaksha Iyengar ilustratzailea eta diseinatzaile grafikoa. Ilustrazio saila bat argitaratu du “Atik Zra osasun mentalean” etiketarekin (#atozofmentalhealth).

Hona ekarri ditugu argazki batzuk. Gehiago ikusi ahal dituzu bere Instagrameko kontuan: @sonaksha (https://www.instagram.com/sonaksha/).

M. L.

Interneten bilatzen badugu "bipolar" hitzaren definizioa, hauek bezalako adierak aurkituko ditugu:
 Buruko nahasmendu maniako depresiboa …
 Gaixotasun mental larria…

Baina “Bipolarrak” esan nahi du bi polo dituela.
Iman batek ere baditu bi polo, positiboa eta negatiboa, lehen esaten zen moduan; orain, berriz, iparburua eta hegoburua.
Baina, zer dago iman baten bi poloen artean? Egundoko energia; ikusi ezin duguna.

Zuria eta beltza ere bi polo dira, horien artean gris-sorta handia dago; baina euri tanta bakar batek ortzadarreko kolore guztiak atera ahal dizkio argi zuriari prisma efektua eginez: gorria, laranja, horia, berdea, urdina, anila, morea,… eta koloretako mundu bat sortu.

Bizi garen mundua, Lur Planetan, badaude halaber Ipar eta Hego poloak; eta horien artean itsasoak, lurrak, eta hainbat herrialde; mapetan koloretan margotuta agertzen direnak; eta mundua banatzen dutenak. Elkarren aurka egiten dute: beti iruditu zain triste hori.

Gogoratu mapa fisikoa, beti izan dut oso gogoko, haranetako kolore berdeagatik, itsasoaren urdina duten ibai eta lakuengatik. Mendiak eta mendilerroak, berriz, kolore marroikoak, gailur altu eta zuriak dituztela. Bereziki gustatu zait mapa osoa, bizi-bizia, animaliak, landareak, mineralak dituena; eta azken finean, hori guztia energia trinkoa besterik ez da.

Bila ezazu egun gris euritsuetako ur tanta hori, prisma efektua egiten duena, argi zuriari unibertso fisiko honetako kolore guztiak ateratzen dizkiona. Edo bestela, zu zeu izan tanta hori, alboan dituzunen bizitzari kolore emango diona.

Bipolara izatea buruko nahasmendu bat da edo, halaber, modu bat bizitzeko Lur Planetako eta Unibertsoko energiaren, argiaren izpitxo bat, kolore horien apur bat.

Historia 1031 (Bermeo)

Lmentalaren ale honetatik aurrera, Mikel Bommaritoren lankidetza izango dugu. Ortuellako Unitate Terapeutiko Hezigarriko ikasle-pazientea da. Komiki zalea da, eta egundoko trebetasuna dauka bere fantasiak grafikoki adierazteko.

Hilabete batzuetan kontatuko digu Marco Antonioren istorioa. Ondo bitxia da Marco Antonio, 13 urteko mutil hau.

Salvador del Arco

Joan den martxoan BOMSeko paziente eta profesional-talde bat Bartzelonara joan zen, Llobregateko San Boiko San Juan de Dios Ospitaleak antolaturiko kirol-ekitaldi batean parte hartzera.

Bidaiatik bueltan paziente batzuek idatziz nahi izan dute guztiokin partekatu euren esperientzia. Horregatik, eskerrak eman nahi dizkiegu guztiei: Daniel, Emilio, Enrique, Roberto eta Sergio. Denak ala denak dira Lehenengo Gertakari Psikotikoen eta eguneko ospitaletako pazienteak Bilboko Eskualdean; eta baita Aurora Oñari eta Susana Arnaizi ere (baliabide horietan biak langile), testu hau egiten lagundu digutelako..

L.F.

Sailkapen Orokorra - 11. JARDUNALDIA

Taldea- Puntuak

1 MANUENE 24
2 LEHENAK 24
3 DURANGO 19
4 ARGIA 19
5 GASTEIZ 16
6 A.D. GORANTZA 13
7 BILBAO 13
8 BARAKA 10
9 S.J.D. MONDRAGON 7
10 ERAGINTZA 4
11 ERMUA 4
12 ZAMUDIO 4
13 AITA MENNI Mondragon 2
14 ---0

Psikofarmakologiaren “urrezko hamarkadatzat” jo izan da 1950ekoa, zeren gaur egun ezagutzen ditugun psikofarmako nagusiak orduan aurkitu baitzituzten.

Ale honetan helduko diogu azterlanaren bigarren, eta azken atalari: 1950etik aurrera sortutako talde psikofarmakologiko nagusiak. Aurrekoan bezala, espero dugu, ale honetako ikonografia interesgarria izatea irakurlearentzat.

Reda Rahmani eta Luis Pacheco

“Revista Frenopática Española” aldizkaria San Juan de Dios ordenak zituen zoroetxetako hedabidea zen: Bartzelonan (LLobregateko San Baudilio), Madriden (Ciempozuelos), Gipuzkoan (Santa Agueda), eta Palentzian. Aldizkaria Antonio Rodríguez Morini doktoreak (1863-1937) fundatu zuen 1903an, eta garai hartan heldu zen izatera arlo zientifiko-psikiatrikoko ekoizpen-iturri nagusietako bat.

1908ko abenduko aletik atera dugu bisitaldi bitxi bat, Sarriako (Bartzelona) Eskolapioen Ikastetxeko bosgarren eta seigarren mailako ikasleek egindakoa, psikologia eta fisiologia irakasgaiaren harira. Ikasleekin batera kazetari talde txiki bat ere joan zen; eta horietako batek hau argitaratu zuen “Las Noticias” egunkariko bere irakurleentzat:

“…Los PP. Falguera y Vilar concibieron la idea de esta excursión, no tan sólo para que sus alumnos observaran las aberraciones anímicas, resultado no tanto de la herencia como del cúmulo de vicios que corroen á la humanidad, sino como ejemplo vivido; y á buen seguro que se habrán grabado profundamente en el ánimo de esos jovenzuelos los fenómenos ayer tarde observados…”.

Oso klase praktiko bitxia, inondik ere; eta gure irudiko, erantsitako pdf-an jasotako egunkarien testuak ere ez dira hura baino motelagoak.

O.M.

Gure irakurleon pazientzia mugagabetik gehiago tira eginez, eta aprobetxatuz osaba Osarrek urologoari egin behar diola bisita, hasiko gara kirol-istorio sail bat argitaratzen; Noctamid-en ordez hartu ahal dena, eta agian balioko duena Scotex-a ere baztertzeko, baldin eta zuen inprimagailuaren kalitatea ona bada.

Hasiko gara futboleko mundialekin, jarraituko dugu Frantziako itzuliarekin, gero olinpiadekin; eta bukatzeko, alturako mendizaletasuna jorratuko dugu.

J.L.

Zu izan al zara arrautzarekin eta saskiarekin ere geratu zarena? Bejondeizula! Baina oiloak, nekatuta oso bere arrautz guztiak kendu dizkiogulako, ihes egin du beste leku batera, gehiago errutera.
Bilatuko duzu hil honetako asmakizunaren erantzuna?
Ez ahaztu gero erantzuna bidaltzea!

J.M.

Salvador del Arco Heras, Garbiñe Apraiz Urigüen, Ana Isabel Arribalzaga Ordoqui, Susana Arnáiz Varela, Ainhoa Bilbao Maiza (A.B.), Mikel Bommarito, Daniel, José M. Díaz Zorrozua (J.D.), Enrique, Emilio, Leire Erkoreka Anda, Leire Fentanes Hernández, Enrique González Arza (E.G.), Hª 1031 Bermeo, Eneko Gutiérrez Gómez, Sonia Herrera Anaya, Jon Lizárraga Sobrino (J.L.), Miriam Lizárraga Sobrino, Mónica López Ortiz (M.L.), Óscar Martínez Azumendi (O.M.), Josune Martínez Magunacelaya (J.M.), Juan Medrano Albéniz (J.Me.), Aurora Oña García, Luis Pacheco Yáñez (L.P.), Reda Rahmani, Roberto, Sergio, Aurora Urbano Aljama, Ainhoa Valenciano González (A.V.).