.
.
URTE BERRI ON!

Berriki bukatu dira Zaldibarko Ospitaleko eraikin nagusian egindako zaharberritze lanak, galeria nagusian hain zuzen ere. Asmoa zen, ospitaleko sarrerako irudia hobetzeaz gain, zuzentzea alderdi batzuetan zeuden akatsak, irisgarritasunari, instalazioei eta segurtasunari lotutakoak.

Diseinua egiteko 3D argazkiak baliatu ziren. Zuzendaritzara bidali genituen, eta ukitu batzuk egin ondoren emaitza hobetu da. Hori izan da agian lanak ekarri duen onena: ospitaleko estamentu guztien ekarpenak eta adostasuna.

Egin diren lanak ikusgai daude erantsitako laburpenean. Bertan argazki batzuetan ikusi ahal da lehengo egoera, eta konponketa egin eta gero zelan geratu diren gauzak.

Pedro More de Léniz

Eguneratu da eta Agirigunen eskuragarri dago “Recomendaciones y buenas prácticas en el uso diario de la historia clínica electrónica” eskuliburua. Bere garaian Osabide Globala Hobetzeko Lantaldeak egin zuen gida. Asmoa zen zalantzak argitzea datu klinikoak erregistratzeko orduan, eta lortzea asistentzia arloko profesionalek zuzentasunez erabil zitzaten datuok.

Lan horretan oinarrituta, diseinatu da gida hau. Bertan jasota daude giltzarriak Historia kliniko Elektronikoa egunerokoan behar bezala erabiltzeko. Dokumentua, behin inprimatuta, urtarrilean bidaliko zaie asistentzia arloko profesionalei.

Carmen Bilbao

Ikerkuntza proiektu bat egin dute Zamudioko Ospitalean, akutuen unitateetan gutxienez 6 hilabetez ospitaleraturik egon diren pazienteekin. IMPROZA*D izena eman diote, eta denera 300 bat pazientek hartu dute parte. Horren guztiaren berri eman ziguten BOMSeko Irakaskuntza Multiprofesionaleko Unitateko barne mediku egoiliarrek BOMSeko azken jardunaldietan.

Egindako ikerketak balio izan du profesionalen gaitasunak lantzeko, eta asmoa zuen, printzipioz tratagarriak diren osasun arazo batzuk antzematea: D motako hipobitaminosia, hantura, hiperprolaktinemia, eta abar.

Proiektuak ahalbidetu du emaitza partzialak aurkeztea; esate baterako poster batzuk zenbait biltzarretan (horien artean Berlineko Psikiatriako Munduko Biltzarra. Argazkian: David Peralta), edo ahozko komunikazioak, Bartzelonako Psikiatriako Biltzar Nazionalean gertatu bezala (Argazkian: Gregorio Montero). Gainera, Euskadiko eta Nafarroako Psikiatria Elkarteak sari bat eman dio aipatutako ikerlanari, BAME ikerlarientzat berariaz egindako lehiaketa batean.

Eva Garnica

Azaroaren 31n eta abenduaren 1ean egin genituen Euskadiko Patologia Dualeko VIII. Jardunaldiak. Horien bitartez saiatzen da patologia dualari buruzko ezagupenak zabaltzen, eta arazoari begiratzen diziplina ezberdinetatik, eta ikuspuntu partekatu batetik. Txostengileek ez dute “ildo editorial” bakar bat, bakoitzak baititu bere ikusmolde profesionala, eta lan ibilbide bat eginda, baina guztien artean oinarria ezartzen dute gogoeta eta eztabaida onuragarriak sortzeko.

Jardunaldiak antolatu dituzte Galdakao-Usansoloko Ospitaleko Psikiatria Zerbitzuak eta BOMSek, eta euren jatorria dira 90eko urteetan egiten hasi ziren profesionalen bilerak. Gaur egun Espainiako Patologia Dualeko Elkartearen laguntzaz egiten dira, eta duela 5 urtetik biltzeko lekua Bizkaiko Medikuen Elkargoko Areiza Aretoa da. Elkargoari esker doakoak dira, eta horregatik eman nahi dizkiegu eskerrak. Aurten, aurreko urteetan bezala, aretoa guztiz bete zuten diziplina askoritako profesionalek.

Profesionalen konpromisoari eta parte hartze gogotsuari esker, aukera egon zen Patologia Dualaren inguruan iritziak trukatzeko, eta topagune bat sortzeko.

Gure esker onarekin batera, etortzeagatik eta parte hartzeagatik, gonbidapena luzatu nahi dizuegu hurrengo jardunaldietara etortzeko; eta bide batez animatu "Socidrogalcohol" jardunaldi autonomikora ere joateko. Gizarte mota horri “sociedad hermana” izena eman zion Juanma Jiménez Lermak, SEPDko Euskadiko kideak. Bilbon egingo den otsailaren 16ko jardunaldian gai hauek jorratuko dira: substantziarik gabeko adikzioen arazoa, nerabeek kontsumitzen dituzten substantziak, eta mina tratatzeko erabiltzen diren opioideek ekarri dituzten erronka berriak, kontuan hartuta AEBn gertatzen ari den adikzio-izurritea.

Rodrigo Oraa

Gure lankide Mª Rodríguez Seoanek eskuliburu interesgarri bat argitaratu berri du Araceli Plaza Andrésekin batera. Erizainei zuzenduta dago, jakin dezaten nola jokatu behar den adikzioen eta patologia dualaren eremuetan (ISBN: 978-84-9052-088-8).

Díaz de Santos argitaletxeak testu bat prestatu du eskuliburua aurkezteko; eta hortik zati hau aukeratu dugu: “erizainak ondo prestatuta egon behar du sustantzien adikzioen eta buruko nahasmenduen arlo guztietan (asistentziakoa, hezkuntzakoa, prebentziozkoa), ulertu ahal izateko pertsona hauek izan ditzaketen erreakzio guztiak eta euren zailtasuna eta motibazio falta kontsumitzeari uzteko. Unea heldu da gelditzeko horren hondamendi handia gure nerabeen eta haurren bizitzetan. Ezinbestekoa da garaiz esku hartzea eta osasun hezkuntza ematea gurasoei, irakasleei eta nerabeei, prebentzio lan gisa, osasun mentaleko ohitura osasungarriak bereganatu ditzaten. Hori da, hain zuzen ere, osasun mentaleko erizain espezialistaren eginkizuna, bera baita profesionalik egokiena zeregin horietan.

O.M.

Bavierako Luis II.a ezaguna izan da “Errege eroa” ezizenarekin. Mediku batzorde batek deklaratu zuen erreinatzeko gai ez zela, zituen jokatzeko eta izateko moduengatik. Hala ere, 2013an bi espezialistek egindako ikerketa zehatz baten arabera, erregeak ez zuen inolako buruko gaixotasunik. Antza, amarruren bat egin zuten gobernatzen ez uzteko.

J.Me.

Ermuko egunkari batek argitaratu du berria. Aintzatespen garrantzitsua izan da Ermuko Eguneko Ospitalearentzat, arlo afektiboan eta profesionalean. Eta Nerea Solagaistua gogoan izateaz gain, lagundu du estigma borrokatzen Ermuko udalerrian…

O.M.

Ruben dut izena, eta esan nahi dut bizitza osoan gustatu zaidala margotzea. Txikia nintzenean ona nintzen margotzen, eta gustatzen zitzaidan; baina ikasteari uztearekin batera margotzeari ere utzi nion.

Buruko gaixotasun bat diagnostikatu zidatenean hasi nintzen joaten eguneko zentro batera, eta aldizka margotzen nuen.

Urte batzuk geroago akuarelarekin hasi nintzen esperimentatzen. Ondoren ikastaro batean eman nuen izena, eta gaur egun bertan jarraitzen dut beste kide batzuekin batera.

Margotzeak entretenitu eta erlaxatzen nau. Nire zaletasun kutuna da.
Parte hartu izan dut erakusketa kolektiboetan, baina egin dudan azkena, nire udalerrian, banakakoa izan da, eta egundoko arrakasta izan du, ikusle zein salmenta kopuruari erreparatuta.

Ruben

Sailkapen Orokorra - 3. JARDUNALDIA

Taldea- Puntuak

1 DURANGO 9
2 A.D. GORANTZA 7
3 GASTEIZ 6
4 ERAGINTZA 6
5 BARAKA 4
6 MANUENE 3
7 ARGIA 3
8 S.J.D. ARRASATE 0
9 LEHENAK 0
10 ASASAM 0
11 BILBAO 0
12 ZAMUDIO 0
13 AITA MENNI Mondragon 2
14 --- 0

Urtea hasi berrian, eta alde batera utzita urtebetetzeak, norberaren onomastikak eta urteurrenak, gogoraraziko digute gauza askoren zorioneko “Munduko Eguna” dela.

Horiekin ondo kutsatuta, guk geuk ere egingo dugu “Hipnosiaren munduko eguna” urtarrilaren 4an; eta horri lotuta istorio hau ekarri dugu hona, begirada hipnotikoak eta zoritxarreko amaierak gordetzen dituena. Protagonista psikiatra bat da, hipnosiaren teknika gehien erabili zuenetakoa Espainian eta Marokon joan den mendearen hasieran.

O.M.

Hil honetako gure protagonista, Luis Simarro Lacabra, titularra izan zen Madrilen 1902an sortutako Psikologia Esperimentaleko katedran; zenbait autoreren arabera, lehenengo katedra, munduan, arlo horretakoa. Izan zen, halaber, Leganeseko Zoroetxeko zuzendaria.

Oso haurtzaro zaila izan zuen eta nerabezaro gorabeheratsua. Sorolla eta Madrazo margolariak lagun minak izan zituen.Santiago Ramón y Cajal laguna eta baita lehiakide akademikoa ere izan zuen, eta berari irakatsi zion tindatzeko Golgi metodoa, erabakigarria izan zena Cajalek Nobel saria eman zioten lanak aurrera eraman ahal izateko. Gainera, Masoneriako Maisu Handia izan zen.

Reda Rahmani, Juan Medrano eta Luis Pacheco

Garbiñe Apraiz Urigüen, Ana Isabel Arribalzaga Ordoqui, Carmen Bilbao Amezaga, Ainhoa Bilbao Maiza (A.B.), José M. Díaz Zorrozua (J.D.), Leire Erkoreka Anda, Eva Garnica de Cos, Enrique González Arza (E.G.), Sonia Herrera Anaya, Óscar Martínez Azumendi (O.M.), Juan Medrano Albéniz (J.Me.), Pedro More de Léniz, Rodrigo Oraa Gil, Luis Pacheco Yáñez (L.P.), Reda Rahmani, Elena Rodríguez Seoane, Rubén.