Urtarriletik otsailera BOMSeko 190 profesionalek eta beste organizazio batzuetako 22 profesionalek parte hartu dute 6 gogoeta-tailerretan, “Xedea, Ikuspegia, Baloreak eta Erronka Estrategikoaren” inguruan zirriborro bat egiteko asmoz.

Gainera, beste 52 lagunen ideiak jaso dira, mezu elektronikoz bidalitako galde-sorta baten bitartez.

Erantsitako taulan informazio zabalagoa duzue tailerretako parte-hartzaileei buruz.
Loturetan eskuragarri daude tailerretan ateratako laburpen-bideoak.

Talde koordinatzailea martxoan bilduko da berriro, aztertzeko tailerretan eta galdetegietan jasotako informazioa, eta idazteko 2018-2021 aldiko Plan Estrategikoa.

Espero dugu planaren behin betiko bertsioa zabaldu ahal izatea apiriletik aurrera.
Eskerrik asko parte-hartzaile guztioi.

M.L.

Bizkaiko Osasun Mentaleko Egoiliarren XXI. Jardunaldia egin berri da, alegia, urtero lurraldeko irakaskuntza unitateen artean txandaka antolatzen dena.

Ekitaldia aurten Bizkaiko Osasun Mentaleko Sareak (BOMS) antolatu du, eta bertan 60 egoiliar (BAME, BAPE, BAEE) eta haien tutoreak batu dira. Elkartze gaia ‘Krisia eta Osasun Mentala’ izan da. Bertan, aurretiaz irakaskuntza unitateen artean banatu izandako gaiaren ikuspegi ezberdinen inguruko lana batu da.
Halaber, azpimarratzekoa da jardunaldi guztian nagusi izan direla aurkezpenen maila altua eta giro erosoa.

Horrekin batera, topaketak hiru alde berri izan ditu:
- Aurkezpen magistralez gain, mahai-inguruak gehitzeak parte-hartzea sustatu du.
- EIRen parte-hartze aktiboak (zentzu hertsian) ekarri du lehenengo jardunaldi multiprofesionaltzat hartu izana.
- Ekitaldia BOMSek gonbidatutako kanpo-profesional batek emandako hitzaldi magistral batekin itxi izana.

Azkenik, senidetze-janaria amaiera bikaina izan zen; non hurrengo urtera arte agur esan zitzaion ekitaldiari. Hurrengo urtean, Galdakaoko ospitaleko irakaskuntza unitatea izango da jardunaldiaren antolatzailea.

O.M.

2014an ikerketa bat egin zuen Bartzelonako Unibertsitate Autonomoko Fundació Salut i Envelliment-ek (FSiE). Ikerketa finantzatu zuen Futbolari Beteranoen Elkarteen Espainiako Federazioak, eta aurkitu zuten futbolaz hitz egiteak laguntzen diela Alzheimerra edo narriadura kognitiboa duten pertsonei, suspertzen baitizkie memoria, arreta, eta gogoa.

Ikerketaren ondorioz sortu zen “Futbola vs Alzheimerra” egitasmoa, “Libero” aldizkariak garatu zuena, Salut i Envelliment Fundazioarekin batera. Proiektua egin zen aipaturiko ikerkuntza-ildoa bultzatzeko, eta gaixoei laguntzeko . Bere web orrian esaten dutenez, “Liberoren lau ale egingo dira, duela hamarkada batzuk argitaratuak izan balira bezala; lau baliabide terapeutiko izango dira, eta egongo dira oinarrituta futbolaren historiaren unerik onenetan. FSiE-k prestatutako ariketa batzuen bitartez lagunduko zaie alzheimerra edo narriadura kognitiboa duten pertsonei”.

Aukera dago, halaber, "Liberoren" edizio bat norberak sortzeko, proiektuaren sustatzaileekin harremanetan jarriz. Artikuluak eta berariazko ariketak erabiliko dira, Alzheimerra duten pertsonen memoria, arreta eta gogoa suspertzeko.

Esan behar da "Libero" aldizkariak nahi duela, web orrian adierazten den moduan, “futbolaren eremura ekarri gizarte gogoetak; eta esparru bat ongi apaindu, kirolari buruzko literatura jasotzeko”. Hori guztia gutxi ez eta beste tresna bat jarri dute eskura web orrian: on line bidezko irrati bat, ahalbidetzen duena joan diren hamarkadetako futbol partidak entzutea, berreskuratzeko futbol zale amorratuen oroitzapenak.

Ederra da proiektua, eta baita bitxia ere. Horregatik, zabaldu da albistea “The Guardian” bezalako hedabide batean, eta nola ez, “Mundo Deportivon” ere.

B.R.

Bill Shanklyk, Liverpooleko urteetako entrenatzaile mitikoak, esan zuen. “batzuek uste dute futbola hil ala biziko kontua dela, baina hori baino askoz ere gehiago da”. Shanklyk hausnarketa egin zuen munduaren eta bizitzaren inguruan, futbola oinarri hartuta (edo alderantziz, agian); eta ondare gisa, utzi zituen esaldi gogoangarri batzuk, esate baterako arbitroez behin bota zuena: “Arazoa da arauak jakin dakizkitela, baina ez dakite zertan datzan jokoa bera”…

J. Me.

Otsailaren 9an Bizkaiko Osasun Mentaleko Sareak omenaldia egin zien 2017an erretiratu diren lankideei
Urtero legez, ongi etorri eta esker oneko hitzak zuzendu zizkien sareko Zuzendaritzak Bilboko egoitzako areto nagusian bildutakoei, oraingo honetan Jose Ignacio Landaluze zuzendari medikoaren, eta Aratxu Lozano Pertsonaleko zuzendariaren bitartez.

Ekitaldian oroigarri bana jaso zuten lankide erretiratuek, eta ohiko talde-argazkia egin zitzaien, gerora guztiei bidaliko zaiena. Ondoko lunchean aukera izan zuten solas egin, kantatu eta dantzatzeko ere, Uribeko lankideek jarritako erritmoan. Hori bai, eguraldiak batere lagundu ez zuenez, babespean egon behar izan genuen une oro.

Onena opa diegu euren etapa berrian.

BOMSeko zuzendaritza

Javi dut izena, 35 urte ditut, eta 20 daramatzat gaixorik. Duela hilabete batzuk margotzera zaletu nintzen, eta orain nire lanaren berri eman nahi dizuet.

Zuen gustokoa izatea espero dut.

Javi, Basauriko OMZ.

Sailkapen Orokorra - 6. JARDUNALDIA

Taldea- Puntuak

1 ERAGINTZA 12
2 A.D. GORANTZA 11
3 GASTEIZ 10
4 DURANGO 9
5 ARGIA 9
6 BARAKA 7
7 LEHENAK 6
8 MANUENE 6
9 BILBAO 3
10 ASASAM 3
11 S.J.D. ARRASATE 0
12 ZAMUDIO 0

Emakume psikiatra gutxi zeuden Parisen XX. mendeko lehen zatian. Horietako bat Françoise Minkowska izan zen. Berak eraman zuen lehenengoz “Rorschach-en" testa Frantziara. Eugène Minkowski izan zuen senarra (gure aurreko aleko protagonista), eta beraren aldamenean bizimodu xumea izan zuen, eta erabat emana ikerketa zientifikora. Baina ez zen bizi izan senarraren itzalean. Pariseko 30-40 urteetako inguru psikiatrikoan errespetatua izateaz gain, ospetsuenetarikoa ere izan zen, egindako lanengatik, eta giro kulturalean eta zientifikoan izan zuen parte-hartze handiagatik .

Reda Rahmani eta Luis Pacheco

Datorren martxoaren 21ean izango da Arrazagatiko Bereizketaren Aurkako Eguna. Giza Eskubideen Aldarrikapen Unibertsalak adierazten duenez, gizaki guztiok aske eta berdinak jaiotzen gara, duintasun eta eskubide berberak ditugu, eta ez da bereizketarik egingo norberaren arrazagatik edo beste edozein arrazoirengatik. Hala ere, denok dakigu helburua lortu artean badugula ibiltzeko bide luzea. Adibidez, gerta daiteke, etniaz ari garenean, gauzak argi edukitzea, baina agian pixka bat lausotzea azalaren kolorea osasun mentalarekin nahasten denean...

Bada, gelditu gaitezen pixka batean, eta azter dezagun nolako eragina izan duten jarrera arrazistek osasun mentaleko arretan. Hasteko, Lmentalako irakurleoi proposatuko dizuegu, haurrek egingo zuten moduan:

Ezetz asmatu! Kolonietako garaian, itsasoz haraindiko zoroetxe batean, nork zuen aginte nagusia, zoro-zain indigenak ala zoro zuriak?

O.M.

Garbiñe Apraiz Urigüen, José M. Díaz Zorrozua (J.D.), Leire Erkoreka Anda, Enrique González Arza (E.G.), Sonia Herrera Anaya, Mónica López Ortiz (M.L.), Óscar Martínez Azumendi (O.M.), Javi, Juan Medrano Albéniz (J.Me.), Luis Pacheco Yáñez (L.P.), Beatriz Rodríguez Cabo (B.R.), Reda Rahmani, Jose J. Uriarte Uriarte.